قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى №110

2015 جىلعى 20 اقپان,  استانا قالاسى جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا تەندەر وتكىزۋ قاعيدالارىن بەكىتۋ تۋرالى «ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 11) تارماقشاسىنا سايكەس بۇيىرامىن: 1. قوسا بەرىلىپ وتىرعان جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا تەندەر وتكىزۋ قاعيدالارى بەكىتىلسىن. 1. قازاقستان رەسپۋبليكاسى ەنەرگەتيكا مينيسترلىگىنىڭ ەلەكتر ەنەرگەتيكاسى دەپارتامەنتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋىن; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ەنەرگەتيكا ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ۆ.شكولنيك. قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 20 اقپانداعى №110 بۇيرىعىمەن بەكىتىلگەن جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا تەندەر وتكىزۋ قاعيداسى 1. جالپى ەرەجەلەر 1. وسى جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا تەندەر وتكىزۋ قاعيداسى (بۇدان ءارى – قاعيدا) «ەلەكتر ەنەرگەتيكاسى تۋرالى» قازاقستان رەسپۋبليكاسىنىڭ 2004 جىلعى 9 شiلدەدەگi زاڭىنىڭ (بۇدان ءارى – زاڭ) 5-بابى 11) تارماقشاسىنا سايكەس ازiرلەندi جانە جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا تەندەر وتكىزۋ ءتارتىبىن ايقىندايدى. 2. وسى قاعيدادا مىناداي ۇعىمدار پايدالانىلادى: 1) قاتىسۋعا ءوتىنىم – تەندەردى ۇيىمداستىرۋشىعا تەندەرگە قاتىسۋشى ۇسىنعان, تەندەردى ۇيىمداستىرۋشىنىڭ جانە وسى قاعيدانىڭ 7-تارماعىندا كورسەتىلگەن قۇجاتتار جيىنتىعىن قوسا وتىرىپ, وسى قاعيدانىڭ تالاپتارىنا سايكەس رەسىمدەلگەن ءوتىنىم; 2) تەندەرگە قاتىسۋشى – وسى قاعيداعا سايكەس جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا ارنالعان تەندەرگە ءوزىنىڭ قاتىساتىندىعى تۋرالى مالىمدەگەن الەۋەتتى ينۆەستورلار; 3) تەندەردى ۇيىمداستىرۋشى – ەلەكتر ەنەرگەتيكاسى سالاسىنا باسشىلىقتى جۇزەگە اسىراتىن ۋاكىلەتتى ورگان; 4) تەندەرلىك كوميسسيا – تەندەر قورىتىندىسىن شىعارۋ ءۇشىن تەندەردى ۇيىمداستىرۋشى قۇراتىن كوميسسيا; 5) تەندەرلىك قۇجاتتاما – جاڭادان پايدالانۋعا بەرىلەتىن گەنەراتسيالايتىن قوندىرعىلاردىڭ سيپاتى مەن تالاپ ەتىلەتىن تەحنيكالىق, ساپالىق جانە پايدالانۋ سيپاتتاماسى جانە جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا ارنالعان ۇلگىلىك شارت نەگىزىندە جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا ارنالعان شارت جوباسى قامتىلعان جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا ارنالعان تەندەرلىك قۇجاتتاما توپتاماسى; 6) تەندەرلىك ءوتىنىم – تەندەردى ۇيىمداستىرۋشىعا تەندەرگە قاتىسۋشى تەحنيكالىق-ەكونوميكالىق ەسەپتى قوسا ۇسىنعان ءوتىنىم; 7) تەحنيكالىق-ەكونوميكالىق ەسەپ – جاڭادان پايدالانۋعا بەرىلەتىن گەنەراتسيالايتىن قوندىرعىلاردىڭ سيپاتى مەن تالاپ ەتىلەتىن تەحنيكالىق, ساپالىق جانە پايدالانۋشىلىق سيپاتتاماسى نەگىزىندە تەندەرگە قاتىسۋشى قۇراستىرعان قۇرىلىس قۇنىنىڭ ەسەبى. وسى قاعيدادا پايدالانىلاتىن وزگە ۇعىمدار مەن انىقتامالار قازاقستان رەسپۋبليكاسىنىڭ ەلەكتر ەنەرگەتيكاسى تۋرالى زاڭناماسىنا سايكەس قولدانىلادى. 2. جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا تەندەر وتكىزۋ ءتارتىبى 3. بولجانىپ وتىرعان ەلەكتر قۋاتىنىڭ تاپشىلىعىن جابۋ ءۇشىن تەندەردى ۇيىمداستىرۋشى ونى وتكىزۋ مەرزىمدەرىن كورسەتە وتىرىپ, جاڭادان پايدالانۋعا بەرىلەتىن گەنەراتسيالايتىن قوندىرعىلار سالۋعا تەندەر (بۇدان ءارى – تەندەر) وتكىزەدى. 4. تەندەردى وتكىزۋ ءۇشىن تەندەردى ۇيىمداستىرۋشى قۇرامى مەن ەرەجەسىن ءوز بۇيرىعىمەن بەكىتىپ تەندەرلىك كوميسسيانى قۇرادى. 5. تەندەر ۇيىمداستىرۋشى: 1) جاڭادان پايدالانۋعا بەرىلەتىن گەنەراتسيالايتىن قوندىرعىلاردىڭ سيپاتىن جانە تالاپ ەتىلەتىن تەحنيكالىق, ساپالىق جانە پايدالانۋ سيپاتتاماسىن; 2) جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋ شارتىنىڭ جوباسىن قامتيتىن تەندەرلىك قۇجاتتامانى ازىرلەيدى جانە بەكىتەدى. 6. تەندەردى ۇيىمداستىرۋشى تەندەرلىك قۇجاتتاماسى بەكىتىلگەن كۇنىنەن باستاپ ءۇش جۇمىس كۇنىنەن كەشىكتىرمەي, بىراق تەندەرگە قاتىسۋشىنىڭ تەندەرگە قاتىسۋعا ارنالعان قۇجاتتار مەن ماتەريالداردى ۇسىنۋ كۇنى اياقتالعانعا دەيىن كەمىندە كۇنتىزبەلىك وتىز كۇن بۇرىن تەندەردى وتكىزۋ تۋرالى حابارلاندىرۋدى بۇقارالىق اقپاراتتار قۇرالدارىندا جاريالايدى. 7. تەندەرگە قاتىسۋ ءۇشىن تەندەرگە قاتىسۋشىلار مىنالاردى: 1) تەندەرگە قاتىسۋشىنىڭ قولى قويىلعان ارىز; 2) زاڭدى تۇلعانى مەملەكەتتىك تىركەۋ (قايتا تىركەۋ) تۋرالى انىقتامانىڭ كوشىرمەسىن; 3) ءوتىنىم بەرۋشىنىڭ ءبىرىنشى باسشىسىنىڭ جەكە باسىن كۋالاندىراتىن قۇجاتىنىڭ كوشىرمەسىن; 4) زاڭدى تۇلعا جارعىسىنىڭ كوشىرمەسىن; 5) ءوتىنىم بەرۋشىنىڭ ءبىرىنشى باسشىسىنىڭ نەمەسە ونى الماستىراتىن تۇلعانىڭ, سونداي-اق باس بۋحگالتەردىڭ (بۋحگالتەردىڭ) قولى قويىلعان, سوڭعى ەسەپ بەرۋ كۇنىندەگى قارجىلىق ەسەپتىلىكتىڭ كوشىرمەسىن; 6) ءوتىنىم بەرۋشىنىڭ بانكتىك ەسەپ شوتىنداعى اقشا قوزعالىسى تۋرالى بانك قىزمەت كورسەتۋشىسىنىڭ ءۇزىندى كوشىرمەسىن (كارتوتەكانىڭ جوق ەكەندىگى تۋرالى) جانە تەندەرگە قاتىسۋعا ءوتىنىم بەرگەن كۇنىنە ءبىر جىلدان اسپايتىن كرەديتتىك تاريحى بار تولىق نەمەسە ءىشىنارا مالىمەتتەردى قامتيتىن كرەديت بيۋروسىنان الىنعان كرەديتتىك ەسەپتى; 7) قاتىسۋعا ءوتىنىم بەرىلگەن كۇنگە ءۇش ايدان اسپايتىن مەرزىممەن بيۋدجەتكە سالىق جانە باسقا دا مىندەتتەمەلەر بويىنشا بەرەشەكتەردىڭ بولۋى نەمەسە بولماۋى تۋرالى تىركەۋدى ەسەپكە الۋ ورنى بويىنشا مەملەكەتتىك كىرىس ورگانىنىڭ انىقتاماسىن قامتيتىن قاتىسۋعا ارنالعان ءوتىنىمدى ۇسىنادى. ەگەر زاڭدى تۇلعا قۇجاتتاردى تاپسىرعان ساتكە قازاقستان رەسپۋبليكاسىنىڭ رەزيدەنتى بولىپ تابىلماعان جانە قازاقستان رەسپۋبليكاسىنىڭ سالىق تولەۋشىسى رەتىندە تىركەلمەگەن جاعدايدا, مەملەكەتتىك كىرىس ورگانىندا سالىق تولەۋشى رەتىندە مەملەكەتتىك تىركەلۋىنىڭ جوقتىعى تۋرالى انىقتامانىڭ كوشىرمەسىن ۇسىنادى. شەتەلدىك زاڭدى تۇلعالار وسى تارماقتىڭ 2), 4) تارماقشالارىندا كورسەتىلگەن زاڭداستىرىلعان قۇجاتتاردى, ساۋدا تىزىلىمىنەن زاڭداستىرىلعان ءۇزىندى كوشىرمەنى نەمەسە شەتەلدىك زاڭدى تۇلعا شەت مەملەكەتتىڭ زاڭناماسى بويىنشا زاڭدى تۇلعا بولىپ تابىلاتىندىعىن كۋالاندىراتىن باسقا دا زاڭداستىرىلعان قۇجاتتى نوتاريات كۋالاندىرعان قازاق جانە ورىس تىلدەرىندەگى اۋدارماسىمەن بىرگە ۇسىنادى. 8. تەندەرگە قاتىسۋعا ارنالعان ءوتىنىمدى تەندەرگە قاتىسۋشى تەندەردى ۇيىمداستىرۋشىعا تىگىلگەن, پاراقتارى نومىرلەنگەن تۇردە بەرەدى جانە سوڭعى بەتىن ءوز قولىمەن جانە مورىمەن راستايدى. 9. تەندەرگە قاتىسۋشى گرامماتيكالىق نەمەسە اريفمەتيكالىق قاتەلەرىن تۇزەتۋى قاجەت بولعان جاعدايلاردى قوسپاعاندا, وتىنىمدە جولدار اراسىندا ەشقانداي ەندىرمەلەرگە, وشىرۋلەرگە نەمەسە قوسىپ جازۋلارعا جول بەرىلمەيدى. 10. تەندەرگە قاتىسۋعا نيەت بىلدىرگەن قاتىسۋشى بەتكى جاعىندا تولىق اتاۋى جانە تەندەرگە قاتىسۋشىنىڭ پوشتالىق مەكەنجايى (ەگەر ول «كەشىكتى» دەپ جاريالانسا, تەندەرگە قاتىسۋعا ارنالعان تەندەرلىك ءوتىنىمدى اشىلماعان كۇيىندە قايتارۋ ماقساتىندا), تەندەردىڭ اتاۋى كورسەتىلگەن جاپسىرىلعان كونۆەرتتە ولاردى ۇسىنۋدىڭ تۇپكىلىكتى مەرزىمى اياقتالعان ۋاقىتقا دەيىن ۇسىنادى. 11. قاتىسۋعا وتىنىمدەردى كوميسسيا حاتشىسى تىركەيدى. 12. وكىلەتتى ورگانعا وتىنىمدەر ۇسىنۋ مەرزىمى تەندەر وتكىزۋ تۋرالى حابارلانعان كۇننەن باستاپ كۇنتىزبەلىك وتىز كۇندى قۇرايدى. 13. تەندەرگە قاتىسۋعا وتىنىمدەردى قاراۋ قورىتىندىلارى بويىنشا مىناداي تالاپتارعا سايكەس ايقىندالعان تەندەرگە قاتىسۋشىلار جىبەرىلەدى: 1) زاڭدى تۇلعانىڭ (تەندەرە قاتىسۋشى) مەملەكەتتىك تىركەلۋى تۋرالى انىقتاماسىنىڭ بولۋى; 2) ەلەكتر قۋاتى قۇنىنىڭ جالپى كولەمىنەن كەمىندە وتىز پروتسەنت ءوز قاراجاتى ەسەبىنەن قارجىلاندىرۋ ەسەبىنەن جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋ ءۇشىن جەتكىلىكتى قارجى مەن ماتەريالدىق رەسۋرستاردىڭ بولۋى; 3) قاتىسۋعا ءوتىنىمدى تاپسىرۋ كۇنىنە ءۇش ايدان اسپايتىن مەرزىمدەگى سالىق بەرەشەگىنىڭ بولماۋى; 4) ونىڭ سوڭعى بەس جىل ىشىندە مەملەكەتتىك ورگاندارمەن جانە ۇيىمدارمەن جاساسقان شارتتار نەمەسە ۇقساس مەردىگەرلىك شارتتار بويىنشا مىندەتتەمەلەردى ورىنداماعانى نەمەسە تيىسىنشە ورىنداماعانى ءۇشىن سوت ارقىلى جاۋاپكەرشىلىككە تارتىلماۋى. 14. تەندەرلىك كوميسسيا, ەگەر تەندەرگە قاتىسۋشى ۇسىنعان مالىمەتتەر وسى قاعيدانىڭ 13-تارماعىنا سايكەس كەلمەسە, تەندەرگە قاتىسۋعا ءوتىنىمدى قابىلداماۋ قۇقىعىنا يە. 15. ۇسىنۋدىڭ تۇپكىلىكتى مەرزىمى وتكەننەن كەيىن ۇسىنىلعان, قاتىسۋعا ءوتىنىمى بار كونۆەرت تىركەلۋگە جاتپايدى جانە تەندەرگە قاتىسۋشىعا قايتارىلادى. 16. تەندەردى ۇيىمداستىرۋشىنىڭ قاتىسۋعا وتىنىمدەردى قاراۋ مەرزىمى تەندەرگە قاتىسۋشىلاردىڭ قاتىسۋعا وتىنىمدەردى ۇسىنۋ مەرزىمىنىڭ اياقتالۋ كۇنىنەن باستاپ ون جۇمىس كۇنىن قۇرايدى. قاتىسۋعا وتىنىمدەردى ۇسىنۋ مەرزىمدەرى اياقتالعاننان كەيىن تەندەردى ۇيىمداستىرۋشى تەندەرگە قاتىسۋشىعا تەندەرگە جىبەرىلگەندىگى تۋرالى حابارلامانى جانە بەكىتىلگەن تەندەرلىك قۇجاتتامانى جىبەرەدى. 17. تەندەرگە قاتىسۋشى بەكىتىلگەن تەندەرلىك قۇجاتتامانى العاننان كەيىن تەحنيكالىق-ەكونوميكالىق ەسەپتى قۇراستىرادى جانە ونى جاپسىرىلعان كونۆەرتتە تەندەردى ۇيىمداستىرۋشىعا ۇسىنادى. 18. تەحنيكالىق-ەكونوميكالىق ەسەپتى قۇراستىرۋ مەرزىمى تەندەرگە قاتىسۋشىلار تەندەرگە جىبەرىلگەندىگى تۋرالى حابارلامانى جانە بەكىتىلگەن تەندەرلىك قۇجاتتامانى العان كۇنىنەن باستاپ التى ايدان اسپايتىن مەرزىمدى قۇرايدى. 19. تەحنيقالىق-ەكونوميكالىق ەسەپتى بەرۋ كەزىندە تەندەرگە قاتىسۋشى وسى قاعيدانىڭ 7-تارماعىنىڭ 5), 6) جانە 7)-تارماقشالارىنا سايكەس تەندەردى ۇيىمداستىرۋشىعا اكتۋالدىق اقپارات جىبەرەدى. 20. تەندەرگە قاتىسۋعا ارنالعان تەندەرلىك وتىنىمدەرى بار كونۆەرتتەردى اشۋدى تەندەرلىك كوميسسيا تەندەردى ۇيىمداستىرۋشى تەندەرلىك قۇجاتتامادا كورسەتكەن كۇنى, ۋاقىتتا جانە ورىندا, تەندەرلىك كوميسسيا مۇشەلەرىنىڭ كوپشىلىگىنىڭ, سونداي-اق تەندەرگە قاتىسۋشىلار نەمەسە ولاردىڭ ۋاكىلەتتى وكىلدەرىنىڭ قاتىسۋىمەن جۇرگىزەدى. 21. تەندەرلىك كوميسسيا تەندەرلىك وتىنىمدەرى بار كونۆەرتتەردى اشقاننان كەيىن كۇنتىزبەلىك وتىز كۇننەن اسپايتىن مەرزىمدە تەندەر قورىتىندىلارىن شىعارادى. 22. تەندەرلىك كوميسسيا تەندەرگە قاتىسۋعا ارنالعان تەندەرلىك وتىنىمدەر بار كونۆەرتتەردى اشۋ حاتتاماسىن كونۆەرتتەردى اشقان كۇنىنەن كەيىنگى بەس جۇمىس كۇنىنەن كەشىكتىرمەيتىن مەرزىمدە رەسىمدەيدى. 23. تەندەرگە قاتىسۋعا ارنالعان تەندەرلىك وتىنىمدەرى بار كونۆەرتتەردى اشۋ حاتتاماسىنا قول قويىلادى جانە وتىرىسقا قاتىسىپ وتىرعان تەندەرلىك كوميسسيانىڭ بارلىق مۇشەلەرى, ونىڭ توراعاسى, ونىڭ ورىنباسارى, سونداي-اق تەندەرلىك كوميسسيانىڭ حاتشىسى ءار بەتىنە قول قويادى. 24. تەندەرگە قاتىسۋشىلار تەندەرلىك وتىنىمدەردى قاراۋ كەزىندە قاتىسپايدى. 25. تەندەرلىك وتىنىمدەردى قاراۋ بارىسى تۋرالى اقپارات جانە ماتەريالدار قۇپيالىق سيپاتقا يە جانە قاراۋ راسىمىنە رەسمي قاتىسى جوق تۇلعالارعا بەرىلمەيدى. 26. تەندەر: 1) تەندەرگە قاتىسۋشىلار ەكەۋدەن كەم بولعان; 2) بارلىق قاتىسۋشىلار ۇسىنعان قۇجاتتار وسى قاعيدانىڭ 7-تارماعىنا سايكەس كەلمەگەن جاعدايلاردا وتپەدى دەپ تانىلادى. 27. ەگەر تەندەر وتكىزىلمەگەن دەپ تانىلعان جاعدايدا, تەندەردى ۇيىمداستىرۋشى تەندەردى قايتا وتكىزەدى. 28. تەندەردى قايتا وتكىزۋ باستاپقى تەندەر وتكىزىلگەن تارتىپپەن جۇرگىزىلەدى. 29. تەندەرگە قاتىسۋشىلار اراسىنان تەندەردىڭ جەڭىمپازىن تاڭداۋ, تەندەرلىك كوميسسيانىڭ جالپى سانىنان كەمىندە ۇشتەن ەكى بولىگى قاتىسقان جاعدايدا, تەندەرلىك كوميسسياسىنىڭ وتىرىسىندا جۇرگىزىلەدى. تەندەرلىك كوميسسيانىڭ بەلگىلى ءبىر مۇشەسى بولماعان جاعدايدا, جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋ جونىندەگى تەندەرلىك كوميسسيانىڭ حاتتاماسىندا (بۇدان ءارى – تەندەرلىك كوميسسيانىڭ حاتتاماسى) وسى فاكتىنى راستايتىن قۇجاتتى قوسا بەرە وتىرىپ (ول بولعان جاعدايدا), ونىڭ بولماۋ سەبەبى كورسەتىلەدى. تەندەرلىك كوميسسيانىڭ شەشىمى اشىق داۋىس بەرۋ ارقىلى قابىلدانادى جانە ەگەر وعان قاتىسقان تەندەرلىك كوميسسياسى مۇشەلەرىنىڭ جالپى سانىنىڭ كوپشىلىگى داۋىس بەرسە, قابىلداندى دەپ ەسەپتەلەدى. داۋىستار تەڭ بولعان جاعدايدا, تەندەرلىك كوميسسياسى توراعاسىنىڭ نەمەسە ول بولماعان جاعدايدا توراعانىڭ ورىنباسارى داۋىس بەرگەن شەشىم قابىلداندى دەپ ەسەپتەلەدى. تەندەرلىك كوميسسيانىڭ شەشىمىمەن كەلىسپەگەن جاعدايدا, وسى تەندەرلىك كوميسسيانىڭ كەز كەلگەن مۇشەسى جازباشا تۇردە جازىلعان جانە تەندەرلىك كوميسسيانىڭ حاتتاماسىنا قوسا بەرىلگەن ءوزىنىڭ ەرەكشە پىكىرىن بىلدىرەدى. 30. تەندەرلىك كوميسسيانىڭ شەشىمى بويىنشا تەندەرلىك قۇجاتتامادا قامتىلعان بارلىق تالاپتارعا جاۋاپ بەرەتىن جانە وسى قاعيدانىڭ 13-تارماقشاسىندا كوزدەلگەن تەندەر شارتتارىن ورىنداۋ بولىگىندە ۇزدىك بولىپ تابىلاتىن قاتىسۋشى تەندەر جەڭىمپازى بولىپ تانىلادى. 31. تەندەر جەڭىمپازى بولىپ تانىلعان تەندەر قاتىسۋشىسىنا تەندەردى ۇيىمداستىرۋشى تەندەر قورىتىندىسىن شىعارعان كۇنىنەن باستاپ كۇنتىزبەلىك ون بەس كۇن ىشىندە جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا ارنالعان شارت جوباسىن جىبەرەدى. 32. تەندەر جەڭىمپازى جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا ارنالعان شارت جوباسىن العان كۇننەن باستاپ ون جۇمىس كۇنى ىشىندە كورسەتىلگەن شارتقا قول قويادى. 33. تەندەر قورىتىندىسى شىققان كۇنىنەن باستاپ كۇنتىزبەلىك قىرىق بەس كۇن ىشىندە تەندەردى ۇيىمداستىرۋشى تەندەر جەڭىمپازىمەن جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا ارنالعان شارت جاساسادى, وندا گەنەراتسيالايتىن قوندىرعىلاردىڭ پايدالانۋعا بەرۋ مەرزىمىن جانە تەندەر جەڭىمپازى قابىلداعان مىندەتتەمەلەردى ورىنداماعانى جانە (نەمەسە) ءتيىستى ورىنداماعانى ءۇشىن جاۋاپكەرشىلىكتى ايقىندايدى. 34. جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا ارنالعان شارتتى جاساسقان كۇنىنەن باستاپ كۇنتىزبەلىك وتىز كۇن ىشىندە جۇيەلىك وپەراتور تەندەر جەڭىمپازىمەن تەندەردى ۇيىمداستىرۋشى بەلگىلەگەن باعا, كولەم بويىنشا جانە مەرزىمدە جاڭادان پايدالانۋعا بەرىلەتىن گەنەراتسيالايتىن قوندىرعىلاردىڭ ەلەكتر قۋاتىنىڭ ازىرلىگىن قولداۋ بويىنشا قىزمەتتەردى ساتىپ الۋ تۋرالى شارت جاساسادى. 35. قازاقستان رەسپۋبليكاسىنىڭ ەلەكتر ەنەرگەتيكاسى سالاسىنداعى زاڭناماسىنا سايكەس وسى قاعيدانىڭ 33 جانە 34-تارماقتارىندا كوزدەلگەن شارتتار ۋاكىلەتتى ورگان بەكىتكەن ۇلگىلىك شارتتارعا قاراپ جاسالادى. 36. قازاقستان رەسپۋبليكاسىنىڭ ەلەكتر ەنەرگەتيكاسى سالاسىنداعى زاڭناماسىنا سايكەس تەندەردىڭ مالىمدەلگەن قۇجاتتارىن قاراۋ جانە شەشىم قابىلداۋ كەزىندە تولىق قۇپيالىلىق قامتاماسىز ەتىلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 26 ناۋرىزداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10535 بولىپ ەنگىزىلدى.